(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១៨ ខែធ្នូ ឆ្នាំ២០២០នេះ បានចេញសេចក្តីប្រកាសព័ត៌មាន ស្តីពី បច្ចុប្បន្នភាពជំងឺកូវីដ១៩ នៅកម្ពុជា ដោយបញ្ជាក់ថា មិនមានរកឃើញករណីឆ្លងជំងឺកូវីដ១៩ ថ្មីនោះទេ រយៈពេល៣ថ្ងៃជាប់គ្នាហើយ ដែលមិនមានករណីឆ្លងថ្មីនៅកម្ពុជា។ នៅថ្ងៃនេះផងដែរ ក្រសួងសុខាភិបាល បានប្រកាសពីការព្យាបាលអ្នកជំងឺកូវីដ១៩ ចំនួន១៧នាក់ ជាសះស្បើយ និងបានអនុញ្ញាតឲ្យចាកចេញពីមន្ទីរពេទ្យ។ សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី១៨ ខែធ្នូ ឆ្នាំ២០២០នេះ នៅកម្ពុជាបានរកឃើញអ្នកឆ្លងជំងឺកូវីដ១៩ សរុបចំនួន ៣៦២នាក់ ក្នុងនោះព្យាបាលជាសះស្បើយចំនួន ៣៤១នាក់ និង២១នាក់ កំពុងសម្រាកនៅមន្ទីរពេទ្យ៕ សូមអានសេចក្ដីជូនដំណឹងដូចខាងក្រោម៖