ឯកឧត្តម អ៊ូច ភា អភិបាលខេត្តតាកែវ ក៏បានធ្វើការណែនាំទៅដល់លោកប្រធានមន្ទីរសាធារណៈការ និងដឹកជញ្ជូនខេត្ត នឹងលោកប្រធានមន្ទីរវប្បធម៌ និងវិចិត្រសិល្បៈខេត្ត ត្រូវសហការគ្នាក្នុងការរៀបចំកែលម្អរក្បូរក្បាត់ និងលាបពណ៌ឡើងវិញឲ្យសមនឹងរូបសំណាក់ព្រះវិស្ណុ ដែលជានិមិត្តរូបរបស់ខេត្តតាកែវរបស់យើង និងជួសជុលរូបសំណាក់តោពីរដែលបច្ចុប្បន្នមានសភាពចាស់ និងបែកបាក់កន្លែងខ្លះមួយចំនួន ពិសេសគឺស្រាវជ្រាវរកប្រវិត្តរបស់ព្រះវិស្ណុ ដើម្បីបានដឹងអំពីប្រវត្តិរបស់ព្រះអង្គ ។
ជាមួយគ្នានេះដែរ ឯកឧត្តម អ៊ូច ភា ក៏បានផ្តាំផ្ញើទៅដល់ក្រុមជាងជួសជុល ត្រូវធ្វើឲ្យបានលឿន និងសមស្រមតាមលក្ខណៈបច្ចេកទេស ព្រោះរូបសំណាក់ព្រះវិស្ណុ និងរូបសំណាក់តោពីរនេះ វាគឺជាចំណុចផ្លូវចូលមកទីរួមខេត្តតាកែវរបស់យើង ព្រមទាំងបង្ហាញ ពីសោភ័ណ្ឌភាពផងដែរ ដូច្នោះសូមយកចិត្តទុកដាក់ជួសជុលឲ្យបានល្អ៕
