តាមរយៈវីដេអូនេះ បានបង្ហាញថា រថយន្ដនៅខាងមុខបានឈប់ដើម្បីឲ្យរថភ្លើងមួយខ្សែឆ្លងកាត់ បន្ទាប់រថយន្ដមួយគ្រឿង ម៉ាក Ford Ranger ពណ៌ទឹកប្រាក់ ពាក់ផ្លាកលេខភ្នំពេញ 2AC-2252 មិនបានឈប់នោះទេ ដោយព្យាយាមបើកទៅមុខឲ្យផុត ដើម្បីបានទៅមុនរថភ្លើង ប៉ុន្ដែមិនបាន សម្រេចក៏ត្រូវរថភ្លើង បើកចំផ្នែកខាងក្រោយពេញទំហឹងតែម្ដង។
ក្រោយបុកអូសជាង១០០ម៉ែត្រ រថយន្ដបានធ្លាក់ទៅម្ខាងទៀតនៃកំណាត់ផ្លូវដែក ដោយរងការខូចខាត ពេញទំហឹងផ្នែកខាងក្រោយ ប៉ុន្ដែសំណាងល្អខ្លាំងណាស់ ដោយក្នុងរថយន្ដនោះ មិនបណ្ដាលឲ្យ នរណាម្នាក់រងគ្រោះថ្នាក់នោះទេ។
ហេតុការណ៍គ្រោះថ្នាក់នេះ បានផ្ដល់ជាបទពិសោធន៍បន្ថែម ដល់អ្នកបើកបរដែលបើកឆ្លងកាត់ផ្លូវរថភ្លើង ទាំងអស់ ត្រូវឈប់ដើម្បីផ្ដល់សិទ្ធិឲ្យរថភ្លើងបានធ្វើដំណើរទៅមុន ព្រោះថារថភ្លើងមិនអាចជាន់ហ្វ្រាំង ឈប់ភ្លាមៗដូចរថយន្ដនោះទេ៕
