គ្រោះថ្នាក់ធម្មជាតិគ្មានអ្នកណាម្នាក់ដឹងមុខសោះ!! ខណៈបុរសពីរនាក់បានស្លាប់ដោយរន្ទះបាញ់ នៅពីរកន្លែងផ្សេងគ្នា ក្នុងខេត្តកំពង់ធំ

កំពង់ធំ៖ បុរស០២នាក់ បានស្លាប់បាត់បង់ជីវិតភ្លាមៗ ក្នុងហេតុការណ៍គ្រោះថ្នាក់ធម្មជាតិមួយ បានកើតឡើង កាលពីថ្ងៃទី២៦ ខែឧសភា ឆ្នាំ២០២០ នៅពីរកន្លែងផ្សេងៗគ្នា នៅក្នុងស្រុកកំពង់ស្វាយ ខេត្តកំពង់ធំ ។

ហេតុការណ៍ដែលគួរឱ្យភ្ញាក់ផ្អើល បានកើតឡើង លើបុរសពីរនាក់ បណ្ដាលឲ្យស្លាប់ នៅកន្លែងកើតហេតុផ្សេងគ្នា យ៉ាងអណោចអធ័មកន្លែងទីមួយ ស្ថិតនៅចំណុចភូមិមហរ៍ ឃុំជ័យ ស្រុកកំពង់ស្វាយ ខេត្តកំពង់ធំកាលពីវេលាម៉ោង វេលាម៉ោង ១៦ និង ១៥ នាទីថ្ងៃទី ២៦ ខែឧសភា ឆ្នាំ ២០២០។ សាកសព ស្លាប់ដោយសាររន្ទះបាញ់ទីមួយ ឈ្មោះ សេង វ៉ាត ភេទប្រុស អាយុ៦៤ឆ្នាំ ជនជាតិខ្មែរ.រស់នៅភូមិ-ឃុំកើតហេតុខាងលើ ខណៈពេលដែល ដើរទៅមើលគោឯស្រែ ពេលមេឃកំពុងភ្លៀង ត្រូវបានរន្ទះបាញ់ស្លាប់តែម្តង។
ចំណែកទីពីរ សពឈ្មោះ បៀន ហុីម ភេទប្រុស អាយុ៣៣ឆ្នាំ ជនជាតិខ្មែរ រស់នៅភូមិ-ឃុំកើតហេតុ.គឺស្ថិតនៅភូមិត្រាច ឃុំត្បែង ស្រុកកំពង់ស្វាយ ខេត្តកំពង់ធំ.បានស្លាប់ដោយសាររន្ទះបាញ់ កាលពីវេលាម៉ោង ១៨ និង ៤០ នាទី កាលពីថ្ងៃទី២៦ខែឧសភា ឆ្នាំ២០២០ ខណៈពេលកំពុងដើរ ទៅដឹកគោ ពេលមេឃកំពុងភ្លៀង ត្រូវបានរន្ទះបាញ់ស្លាប់តែម្តង បន្ទាប់ពីសមត្ថកិច្ចបានពិនិត្យនិងធ្វើកោសល្យវិច័យរួចមក ក៏បានប្រគល់សាកសពបុរស ទាំងពីរឱ្យទៅសាច់ញាតិទទួលយកទៅធ្វើបុណ្យតាមប្រពៃណី៕