តាកែវ៖ ដោយសារមានវិបត្តិនៅក្នុងគ្រួសារ ដោះស្រាយមិនចេញ បណ្ដាលឲ្យនារីស្រស់ស្អាតម្នាក់ដាច់ចិត្តធ្វើអត្តឃាតខ្លួនឯង ដោយចងកសម្លាប់ខ្លួននៅក្នុងបន្ទប់ ដែលបានបង្កភាពភ្ញាក់ផ្អើល កាលពីវេលាម៉ោង៨ និង៤១នាទីព្រឹក ថ្ងៃទី២៦ ខែឧសភា ឆ្នាំ២០២០ ត្រង់ចំណុចមុខផ្សារតាកែវ ភូមិថ្នល់បែក សង្កាត់រកាក្រៅ ក្រុងដូនកែវ។
បើយោងតាមរបាយការណ៍របស់សមត្ថិកិច្ចបានឲ្យដឹងថា ជនរងគ្រោះមានឈ្មោះ ឃឿង ចន្ធា មុខរបរលក់ដូរនៅផ្សារតាកែវ ស្នាក់នៅកន្លែងកើតហេតុ។
មូលហេតុ៖ មកនារីរងគ្រោះមានវិបត្តិគ្រួសារ
ក្រោយកើតហេតុ សមត្ថកិច្ចបានចុះដល់កន្លែងកើតហេតុ ធ្វើកោសល្យវិច័យសពជនរងគ្រោះ រួចបញ្ជាក់ថា នារីរងគ្រោះពិតជាស្លាប់ដោយសារចង.កធ្វើអត្តឃាតមែន មិនមានជាប់ពាក់ព័ន្ធនឹងករណីអ្វីទេ ។ បន្ទាប់មក សមត្ថកិច្ច បានធ្វើកំណត់ហេតុ ប្រគល់សពជូនក្រុមគ្រួសាររៀបចំធ្វើបុណ្យតាមប្រពៃណី ទាំងក្តីសោកអាល័យជាពន់ពេក៕
