ភ្នំពេញ៖ រាជរដ្ឋាភិបាលកម្ពុជាតាមរយៈទីស្ដីការគណៈរដ្ឋមន្រ្តីកាលពីថ្ងៃទី១៣ ខែមីនា ឆ្នាំ ២០២០ កន្លងទៅថ្មីនេះបានចេញលិខឹត២ដាច់ដោយឡែកពីគ្នាផ្ញើទៅសម្ដេចក្រឡាហោម ស ខេង និងមន្រ្តីពាក់ព័ន្ធ ពីការយល់ព្រមរបស់រាជរដ្ឋាភិបាលកម្ពុជាលើការស្នើសុំកាត់ដីមួយផ្នែករបស់បឹងតាមោគ«បឹងកប់ស្រូវ»ផ្ដល់ជូនសាលារាជធានីភ្នំពេញនិងអគ្គស្នងការនគបាលជាតិ។
បើយោងតាមលិខិតរបស់ទីស្ដីការគណៈរដ្ឋមន្រ្តីដែលមានការចុះហត្ថលេខារបស់លោក ឈឹត សុខុន រដ្ឋលេខាធិការទីស្តីការគណៈរដ្ឋមន្រ្តី ករណីយ៍សំណើរសុំផ្ទៃដីបឹងតាមោគ«បឹងកប់ស្រូវ»ទំហ៊ំចំនួន៧៥ហិកតា ដែលស្ថិតនៅសង្កាត់គោករកា ខ័ណ្ឌព្រែកព្នៅ រាជធានីភ្នំពេញដើម្បីបង្កើតសួននិងឧទ្យានធម្មជាតិសាធារណៈ និងសំណើរសុំផ្ទៃដីបឹងតាមោគ «បឹងកប់ស្រូវ» 
ចំនួន៨ហិកតា ដើម្បីសាងសង់អាគារនិងហេថារចនាសម្ព័ន្ធនាយកដ្ឋានកណ្ដាលសន្តិសុខនៃអគ្គស្នងការដ្ឋាននគបាលជាតិ រាជរដ្ឋាភិបាលសម្រេចយល់ព្រមផ្ដល់ជូន«ដូចមានផែនទីបង្ហាញទីតាំងនិងនិយាមការភ្ជាប់មកជាមួយ៕