គណៈកម្មការសុខាភិបាលជាតិចិន បានបញ្ជាក់ថា នៅថ្ងៃម្សិលមិញ អ្នកជំងឺ ១,៨២៤ នាក់បន្ថែមទៀត ត្រូវបានចាកចេញពីមន្ទីរពេទ្យ ដោយមាន ការ អនុញ្ញាត ពី ក្រុម គ្រូពេទ្យ ហើយគិតមកដល់ថ្ងៃពុធនេះ ចំនួនអ្នកជាសះស្បើយ ពីវីរសប្រភេទថ្មីនេះ កើន ឡើង ដល់១៤,៣៧៦នាក់នៅក្នុងប្រទេសចិន។
គណៈកម្មការសុខាភិបាលជាតិចិន បានបញ្ជាក់ទៀតថា ទោះជាយ៉ាងណា អ្នកជំងឺ COVID-19 ចំនួន ១១,៩៧៧នាក់ទៀត កំពុងស្ថិតនៅក្នុងស្ថានភាពធ្ងន់ធ្ងរ និង ៥,២៤៨នាក់កំពុងស្ថិតនៅក្នុងការពិនិត្យ និងតាមដានបន្តទៀតនៅ ឡើយ។
សូមបញ្ជាក់ថា ក្រៅពីចិនដីគោកមានករណីមនុស្សស្លាប់ដោយ COVID-19 ចំនួន ៦ ករណីផងដែរ ក្នុងនោះរួមមាន នៅហុងកុងមាន២ករណី ខណៈកោះតៃវ៉ាន់មាន១ករណី ជប៉ុន១ករណី ហ្វីលីពីន១ករណី និងបារាំង១ករណីផងដែរ៕
