ខេត្តតាកែវ ៖ នៅព្រឹកថ្ងៃទី១៣ ខែកុម្ភៈ ឆ្នាំ២០២០ នៅមុននេះបន្តិច មានករណីផ្ទុះកំាំជ្រួច ស្ថិតក្នុងភូមិហនុមាន ឃុំក្រាំងធ្នង់ ស្រុកបាទី បណ្តាលឲ្យបុរសម្នាក់ស្លាប់យ៉ាងណាអាណោចអាធ័មខេ្ទចសាកសព មើលសឹងតែមិនស្គាល់។

បើយោងតាមការបញ្ជាក់ពីលោក ភួន ឈីម អភិបាលស្រុកបាទី បានឲ្យដឹងថា ពិតជាមានករណីផ្ទុះកាំជ្រួចពិតមែន ដោយជនរងគ្រោះមានឈ្មោះ កែវ ឈិន អាយុ ៥០ឆ្នាំ មានមុខរបរជាអ្នកធ្វើកាំជ្រូចលក់គ្រប់ធុន មានទីលំនៅកន្លែងកើតហេតុ។ ជំហ៊ានដំបូងនៃមូលហេតុផ្ទុះនេះ គឺបណ្ដាលមកពីលាយរំសែវខុសបច្ចេកទេស ៕