ភ្នំពេញ៖ នៅក្នុងសេចក្តីប្រកាសព័ត៌មានរបស់ក្រសួងរ៉ែ និងថាមពល ដែលចេញផ្សាយកាលនៅល្ងាចថ្ងៃពុធ ទី១២ ខែកុម្ភៈ បន្ទាប់ពីក្រសួងមួយនេះបញ្ចប់សន្និបាតបូកសរុបលទ្ធផលការងារឆ្នាំ២០១៩ និងទិសដៅការងារឆ្នាំ២០២០ បានបង្ហាញថា ក្នុងចំណោមការដ្ឋានប្រតិបត្តិការធនធានរ៉ែចំនួន៣១៦ការដ្ឋាន ត្រូវបានក្រសួងត្រួតពិនិត្យនិងបានសម្រេចព្យួរ ដកហូត និងបញ្ចប់សុពលភាពចំនួន២១ការដ្ឋាន ព្រមទាំងធ្វើការពិន័យជាប្រាក់ចំនួន៨៨៤០៤ដុល្លារ ដោយអនុវត្តបណ្តឹងតាមនីតិវិធីរបស់តុលាការ។

សេចក្តីប្រកាសព័ត៌មានរបស់ក្រសួងរ៉ែនិងថាមពល ក៏បានគូសបញ្ចាក់ផងដែរថា សកម្មភាពអាជីវកម្មរ៉ែអនាធិបតេយ្យតាមដងទន្លេ ត្រូវបានទប់ស្កាត់ និងបង្ក្រាបបានស្ទើរទាំងស្រុង ខណៈពេលដែលសកម្មភាពរ៉ែអនាធិបតេយ្យក្នុងខេត្តមណ្ឌលគិរី បាត់ដំបង កំពង់ធំ ព្រះវិហារ និងខេត្តក្រចេះ ត្រូវបានបង្ក្រាបជាប្រចាំ តាមរយៈការផាកពិន័យជាប្រាក់និងអនុវត្តន៏តាមពាក្យបណ្ដឹងទៅតុលាការ។
បើយោងតាមសេចក្ដីប្រកាសខាងលើក៏បានបង្ហាញចំណូលសារពើពន្ធដែលប្រមូលបានពីការគ្រប់គ្រងវិស័យរ៉ែនិងថាមពលបានសរុបចំនួន ជាង៩៥លានរៀលផងដែរ៕