អតីតតារាចំរៀងសំនៀងផ្អែមរណ្ដំចិត្តទស្សន៍វត្សឆ្នាំ៩០ បង្ហោះសារក្នុងបណ្ដាញសង្គមនិយាយរៀបរាប់រឿងពិត

ភ្នំពេញ៖ តារាចំរៀងជើងចាស់ ដែលធ្លាប់មានឈ្មោះបោះសម្លេងនៅអំឡុងឆ្នាំ៩០ បានធ្លាក់ខ្លួនពិការដោយសារជំងឺទឹកនោមផ្អែម និងមានអាចបន្តអាជីពជាអ្នកចំរៀងបានបន្តទៀត ក៏ព្រោះតែពិបាកក្នុងការធ្វើដំណើរទីជិតឬឆ្ងាយ ។
នេះបើយោងតាមការបង្ហោះនៅក្នុងបណ្ដាញទំនាក់ទំនងសង្គម Facebook ឈ្មោះ SousSong Vecha បានសរសេររៀបរាប់ថា ៖ “ដៃកាន់ឈើច្រត់ខំសង្កត់ចិត្ត ពេលនេះស្គាល់មិត្តពិតហើយរូបខ្ញុំ មិត្តខ្លះរាប់អានពេលយើងសុខុម មិត្តដ៏ឧត្តមខ្ញុំស្គាល់ពេលនេះ”។
គួរំលឹកថាលោក សួស សងវាចារ មានវ័យ៥២ឆ្នាំ បច្ចុប្បន្នកំពុង​សម្រាក​ក្នុង​លំ​នៅដ្ឋានមួយកន្លែង ស្ថិត​​នៅ​ភូមិ​ព្រៃ​ទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ដោយលោកបានធ្លាក់ខ្លួនឈឺពិការមួយចំហៀងខ្លួនរយៈពេល៥ឆ្នាំហើយ ដោយសព្វថ្ងៃនេះគ្មានចំនូលផ្គត់ផ្គង់គ្រួសារ មានតែរបរលក់ដូរតិចតួចនៅមុខផ្ទះជាប់បំណុលធនាគារ មានកូនបីនាក់នៅក្នុង​បន្ទុកកំពុងសិក្សា៕